Nanawagan si Vice President Sara Duterte sa mga local government units na bigyan prayoridad ang mga programang pang-edukasyon para sa mga kabataan Pilipino.
Sa kanyang talumpati sa 23rd Banigan Festival sa Libertad, Antique, binigyang din ng Bise Presidente at Education secretary ang kahalagahan ng edukasyon at ang mahalagang papel ng mga magulang.
“Importante po ang edukasyon at importante na ang ating mga anak ay makapag-aral at makakuha ng maayos na edukasyon. May I enjoin our parents who are here today to keep your children and youth in school or learning technical skills no matter the challenges.”
Nagbabala din si Duterte sa banta ng ilegal na droga at sa recruitment na ginagawa ng New People’s Army (NPA).
“Importante din na matiyak natin na ang ating mga anak ay malayo po sa landas ng ilegal na droga at sa landas ng insurhensiya. Ang illegal drugs at ang New People’s Army ay parehong sisira sa kinabukasan ng ating mga anak.”
