Sumuko sa National Bureau of Investigation (NBI) si Isabelo Lopez Bautista, ang hinihinalang gunman sa pagkamatay ng radio broadcaster mula Oriental Mindoro na si Cresenciano Aldevino “Cris” Bundoquin.
Mula probinsya ay agad dinala si Bautista NBI kung saan iniharap ito sa media Martes ng gabi ni Undersecretary Paul Gutierrez ng Presidential Task Force on Media Security (PTFoMS).
Saad ng suspek, nangangamba sya sa kaligtasan ng kanyang pamilya.
Tumangging magpahayag si Bautista ngunit iginiit nya ang paratang na sya ang gunman at hindi sya ang suspek sa nasabing krimen.
“Siya po ay wala pang warrant of arrest and I think nasa piskal pa lang ata ‘yung inihahandang kasong murder tsaka frustrated murder laban sa kaniya,” ani Gutierrez.Dahil wala pang naisampang kaso laban kay Bautista ay malaya naman syang makauwi, ngunit pinili nyang manatili sa NBI.
