Hinostage ng ama ang sarili nitong bunsong anak na babae sa Barangay 408 sa Sampaloc, Maynila nitong Martes matapos mag away ang suspek at asawa nito.
Ayon sa imbestigasyon ng pulis, nagaway ang lalake at kaniyang asawa kaya umalis ang babae na kasama ang dalawang anak nila. Naiwan sa bahay ang anim na taong gulang na babae na noon ay natutulog.
Nalaman naman ng mga pulis ang pang hohostage matapos mag sumbong ang isang concerned citizen nang makita nito sa rooftop ng gusali ang suspek at ang anak nito.
Agad na pinalibutan ng mga pulis ang gusali at nailigtas sa kapahamakan ang bunsong babae.
Ayon sa suspek, nagawa niya lang ang pang hohostage sa sarili nitong anak upang mapilitang umuwi ang kanyang mag-iina.
Hindi naman lubos maisip ng maybahay na hahantong sa pangho-hostage ang kanilang away.
Posibleng maharap sa kasong alarm and scandal ang suspek kung nanaisin ng pamilya na ireklamo ito.
