Nag trending online ang isang facebook post kung saan ang nag upload ng naturang post ay ang San Miguel Beermen point guard na si Terence Romeo.
Ayon sa pinost ng nagngangalang Terrence Bill Romeo, “Pagdasal niyo ako, PAGDASAL NIYO AKO NA PALARUIN NA”.
Kaagad na umani ng reaksyon ang publiko sa naturang post ngunit inalmahan kaagad nito ng team manager ng SMB na si Gee Abanilla ukol sa kumakalat na facebook post at sinabing hindi iyon ang official facebook account ni Terrence Romeo.
Ayon sa isang text message na natanggap ng Bitag mula kay Abanilla, “malamang hindi niya account yun kasi kausap ko mismo siya”.
Dinagdag din ni Abanilla na kaya hindi nakakalaro si Romeo sa kanyang team ay dahil sa natamo nitong injury kamakailan lang.
“kausap ko mismo siya at hindi pa niya talaga 100% kaya makalaro because of his recent injury. Parang bumalik nung ginamit siya ni coach 3 or 4 games ago. Pina-check-up pa nga namin ulit siya sa sports doctor doctor to confirm this. And we do not want to force him kung sa feeling niya hindi pa talaga siya ready.” Saad ni Abanilla.
Sa ngayon ay wala pang kompirmasyon kung kailan ang exaktong petsa ng pagbabalik ni Romeo sa laro.
