Isang concerned citizen mula Camarin, Caloocan ang nagreklamo sa #ipaBITAGmo. Ang isinumbong niya, kapitbahay nila na nagpatayo ng basketball court sa kanilang lugar.
Ayon kay “Gina,” hindi sila makatulog ng maayos sa tuwing may naglalaro sa kalye na ginawang basketball court.
Ginawa na rin daw itong tambayan, sugalan at public CR ng mga pasaway at tambay doon.
Agad tinawagan ng BITAG ang Brgy. 175 sa Camarin, Caloocan. Sabi ng barangay, wala silang pahintulot na magtayo ng basketball court sa lugar. Ngayon lamang daw nila nalaman na may basketball court doon.
Dismayadong tanong ni Ben “BITAG” Tulfo, baka patulog-tulog kasi sila sa pansitan.
“Walang masama sa pagtayo ng basketball court keysa gumamit sila ng bawal na gamot pero sa reklamo na inilapit sa BITAG, ginawang tambayan at sugalan na raw ang basketball court, perwisyo imbes na tulong. Dapat unang nakaka-alam dito ang barangay kung angkop ba ang lugar na patayuan ng basketball court” paliwanag ni BITAG.
Kaya ayun, agad ring tinanggal ng barangay ang perwisyong basketball court.
Nag-iwan din ng mensahe si BITAG sa barangay.
“Simple lang po kung tinanggal niyo, salamat. Pero pakisabi sa sa barangay ninyo, huwag mag bibingi-bingihan. Dapat inalam niyo sino ang nagtayo nyan.
