Balik-practice session si Ginebra point guard LA Tenorio.
Sa twitter account ni well-known sports columnist at TV analyst Quinito Henson, nag-post ito ng litrato sa practice ng Barangay Ginebra na kasama si Tenorio.
Malabo man na makalaro ngayong conference si Tenorio, sinabi ni Henson na isasama muna sa coaching staff si Tenorio ni head coach Tim Cone.
“LA is now cancer-free but will undergo chemotherapy beginning next month to make sure he remains in the clear over the long run on doctor’s advice! He’ll be back playing next season!,” ani Henson sa kaniyang Facebook post.
Sa isang opisyal na pahayag, ibinunyag ng 38-anyos na si Tenorio na nagkaroon ito ng stage 3 Colon Cancer, dahilan para maputol ang kaniyang paglalaro sa PBA.
“I was recently diagnosed with Stage 3 colon cancer. The initial testing three weeks ago led me to instantly miss practices and games,” pagbubunyag ni Tenorio.
Nasa semifinals ngayon ang Ginebra at makakalaban ang San Miguel Beermen sa isang best-of-five series.
Ang Game One Ginebra-San Miguel semis duel ay gaganapin Biyernes ng hapon (March 24) sa Ynares Center sa Antipolo City.
