Mahirap ang maging mahirap kaya kung wala kang diskarte, talo ka sa laro ng buhay.
Isa si Lolo Mateo Embalsado, 68 years old mula Kapalong, Davao del Norte ang dumidiskarte para mabuhay sa kabila ng kanyang edad.
Hindi niya alintana ang kainitan ng araw, pasan-pasan ang 30 kilong bigat ng bangkong kawayan sa loob ng 10 oras para ibenta sa halagang P1500.00 .
Kuwento ni Lolo Mateo dahil sa paglalako naitaguyod niya ang kanyang 11 anak.
Dagdag niya, siya rin mismo ang gumagawa ng mga bangko na natutunan niya sa kanyang ama.
“Nasanay na ako, parang hindi na ako nakakaramdam ng pagod. Kung hindi ako magtatrabaho manghihina ako,” ani Lolo Mateo.
Dahil sa matanda na, at mahina ang mga buto nakiusap si Luzviminda sa kanyang ama, na huwag na siyang magbenta ng bangko subalit tumanggi ito.
Aminado rin siya na hindi niya kayang suportahan ang pangangailangan ng kanyang ama dahil sa hirap ng buhay.
Kaya laking tuwa nila at pasasalamat sa vlogger na si “Ondoy” dahil naging daan ito para bumuhos ang biyaya kasama ang tricycle na pinapangarap ng kanyang ama.
