Hindi akalain ni Arturo Salem Jr. na maghihimas siya ng malamig na rehas at matutulog sa bilangguan dahil sa pagbibiro sa isang chi-ching na may kagat na ‘pop sicle ice cream.’
Dahil sa birong pakagat naman sa “pop sicle’ mo hindi akalain ni Arturo na ito ang magiging mitsa para siya ay makalaboso.
Aminado si Arturo na nakainom siya nang ginawa ang pagbibiro. Kaya naman ng siya ay kumprontahin ng isang lalaki na kapatid ng babaeng kanyang biniro ay hindi na siya pumalag.
Upang hindi makalikha ng eskandalo sa isang ‘birthday party’, sinabi ni Arturo na siya na ang nagkusa na sa presinto na ng pulis ayusin ang gulo. Ang siste, sa halip na makahingi ng tawad si Arturo sa babaeng nagreklamo laban sa kanya dahil sa ‘birong pakagat naman sa ‘pop sicle’ mo, diretso siya kinalaboso ng mga pulis.
Panawagan niya kay BITAG Ben Tulfo ng #IPABITAG Mo tulungan siyang malinis ang kanyang pangalan at personal na makahingi ng tawad sa babaeng may hawak na “pop sicle ice cream.”
Ano ang paglabag sa batas ni Arturo para siya ay makulong sa loob ng 12-oras?
May pananagutan ba ang mga alagad ng batas sa pagpiit kay Arturo sa bilangguan?
Ano ang masasabi dito ni Atty. Mel “Batas” Mauricio?
