Ramdam ni former multi-regional title challenger Rey Orais ang bagsik ng mga kamao ni ex-world champion Johnriel Casimero.
Ani 38-year-old Japan-based trainer Rey Orais, malalagkit na mga suntok ang kaniyang naramdaman sa kanilang punchmitts sa Cebu kamakailan.
“Malakas. Mabigat. May power talaga. Mas maraming papahirapan si Casimero sa 122lbs,” ani Orais.
Makikita sa nai-post na video ang matinding punchmitts session sa pagitan Orais at Casimero na naghari bilang world champion sa lightflyweight, flyweight at bantamweight divisions.
Naghahanda si Casimero para sa kaniyang 12-round WBO Global Superbantamweight title fight laban kay Filipus Nghitumbwa ng Namibia.
Si Nghitumbwa ay may 92% knockout percentage sa kaniyang overall record na 12-1, 11 natapos ng knockout. Gaganapin ang bakbakan nina Casimero at Nghitumbwa sa Okada Hotel sa Pasay City.
