Basag ang mga salamin at nagulo ang mga paninda ng isang convenience store sa Parañaque City matapos itong araruhin ng isang service utility vehicle (SUV) madaling araw nitong Sabado (May 7).
Sa kuha ng CCTV footage, makikita ang pagliko ng SUV upang mag park sa nasabing convenience store nang magdire-direcho ito sa loob ng establisyemento.
Nahagip ng sasakyan ang guwardiya at kahera ng convenience store na parehong nagtamo ng pasa sa pangyayari.
Napag alaman naman ng mga awtoridad na 15-anyos lamang ang driver ng SUV at wala itong pinanghahawakang lisensya.
Ayon sa Parañaque Traffic Bureau, inimpound nila ang sasakyan habang tiniketan naman nila ang menor de edad na driver.
Base sa ulat, nagka-areglo ang pamilya ng driver at may-ari ng convenience store gayundin ang mga nasugatan nitong tauhan.
