“SALAT”. Dalawa ang ibig sabihin ng salitang ito.
Una, ay ang pagiging kapos sa kaalaman, kapos sa pananalapi, pagkain at tirahan, sa madaling salita, mahirap.
Ikalawa, ay pagkapa ng gamit ng iba na walang pahintulot. Ginagamit ang pag-salat upang makapag-nakaw.
Taong 2014, na dokumento ng BITAG ang mga “salat” sa iba’t ibang lugar partikular sa lansangan ng kamaynilaan.
Sa Bonifacio Drive sa Maynila, naaktuhan ng BITAG ang grupo ng mga kalalakihan na kinukuyog ang mga bumababa sa pampasaherong dyip patungo sa Pier.
Kunwari, tutulong buhatin ang mga bagahe ng kanilang bibiktimahin. Pero pa-simpleng isasagawa ang pag-sasalat o pagnanakaw sa biktima.
Ayon sa tip na lumapit sa BITAG, matagal nang namamayagpag ang aktibidades ng grupong ito sa Pier 15 sa Manila South Harbor.
Kabisado ng grupo kung kailan ang dating ng barko, umaga man o gabi. Kaya alam din nila kung kailan nila sasamantalahin ang pambibiktima.
Hanggat patuloy ang paglobo ng mga salat sa lipunan, patuloy na dadami ang mahuhulog sa bitag ng kasamaan at krimen
Panoorin ang reyalidad sa totoong buhay sa isinagawang imbestigasyon ng BITAG sa mga grupo ng “Salat” sa Maynila.
