Tagumpay para sa mga militant transport group ang unang araw ng kanlang tigil-pasada kontra PUV Modernization Program.
Base sa estimate ng Pinagkaisang Samahan ng mga Tsuper at Operator Nationwide (PISTON) halos 80-95% ng mga ruta ang naparalisa sa National Capital Region at sa mga kalapit na rehiyon sa CALABARZON at Central Luzon partikular sa Bulacan, Pampanga at Bataan.
Samantala, tila minaliit naman ng Metro Manila Development Authority ang nasabing transport strike, matapos iulat ng Inter-Agency Task Force monitoring team na ilang ruta lamang ang naapektuhan ng welga.
Hindi aniya naparalisa ng mga sumama sa strike ang transportasyon sa Metro Manila at iba pang rehiyon.
Sinuportahan din ito sa ulat ng Land Transportation Franchising and Regulatory Board (LTFRB) kung saan 10 percent ng mga ruta sa Metro Manila ang naapektuhan ng tigil pasada.
Nakatulong din daw ang mga nilaan na libreng sakay para sa mga pasahero.
