Tila handa nang sumuko si Brgy. Ginebra San Miguel head coach Tim Cone sa laban nila kontra San Miguel Beermen Miyerkules ng gabi ( March 29) sa Smart Araneta Coliseum.
Gusto ni Cone na itaas na ang puting bandera at ilabas ang main players nito matapos ang tatlong quarters na maalat ang opensa ng Gin Kings ngunit nakita ni head coach sa mga mata ng kanyang players ang mantra ng Ginebra na ‘Never Say Die’ kaya’t pinagpatuloy nito ang pag-gawa ng mga play.
“I was just wandering do I call the other guys out and live to fight another day on Friday or do we keep going at it and that was my battle throughout the whole third and fourth quarter. But they just kept showing a will and I was looking for them to give up a little bit and they never did that and so I stayed with them” saad ni Tim Cone.
Sa huli ay panalo ang Ginebra sa isang come from behind win 87-85 upang makapasok sa finals ng PBA.
Nagtala ang kanilang import na si Justin Brownlee ng 22 points, 14 rebounds, four assists, and two steals.
Sunod na makakalaban ng Gin Kings ang mananalo sa serye ng Meralco kontra Talk n Text.
