Naglaan ng P300 million na pondo ang gobyerno para sa pagsasanay ng mga kapulisan na hahasa sa kanilang mga kakayahan sa pagpapatupad ng batas gayundin sa pagsugpo ng cybercrime sa bansa.
Ayon kay Philippine National Police (PNP) chief Gen. Rodolfo Azurin Jr., ang nasabing pagsasanay ay naglalayon din na palawigin ang kapasidad ng kapulisan sa pag iimbestiga at pagpapatayo ng mga kaso.
Nilagdaan ni Azurin ang Memorandum of Agreement (MOA) kasama si Department of Justice Secretary Jesus Crispin Remulla na nagpahayag kamakailan tungkol sa mababang conviction rate sa bansa.
“Training and education are essential to the development and formation of law enforcers, given the multi-faceted role of the police officer, as well as the latest technological advances which have reshaped the law enforcement environment,” wika ni Azurin.
Ang malaking alokasyon para sa programa ng pagsasanay at edukasyon ng kapulisan ay pinondohan sa ilalim ng Special Provision No. 11 ng General Appropriations Act of Fiscal Year 2023.
“Through increased training and educational opportunities, the PNP leadership is confident that police officers can gain a deeper comprehension of their duties, responsibilities, and the laws and regulations they are entrusted to enforce,” ani Azurin.
