Nasamsam ng Philippine Drug Enforcement Agency (PDEA) at Police Regional Drug Enforcement Unit (RDEU) ang hindi bababa sa P4 bilyong halaga ng hinihinalang shabu sa isinagawang raid sa Purok 4, Brgy. Irisan, Baguio City nitong Miyerkules, Marso 29.
Aabot sa mahigit kumulang 575 kilos ng iligal na droga ang natagpuan ng mga awtoridad na nakasilid sa mga sealed tea bags na mayroon Chinese markings.
Arestado sa operasyon ang isang Chinese national na kinilalang si Hui Ming alyas “Tan”.
Ayon PDEA, tatlong buwan nilang minamanmanan ang nasabing bahay.
Sa bisa ng search warrant na inisyu ni Exec. Judge Rufus Gayo Malecdan, Jr. ng Regional Trial Court, Baguio City matagumpay nilang napasok ang imbakan ng iligal na droga.
Malaking paniniwala ng mga awtoridad na ang mga nakuhang droga ay bahagi ng nadiskubreng 900 kilong shabu nasabat sa Tondo Manila dahil sa kaparehong packaging.
