Nais ng Pangulong Ferdinand “Bongbong” Marcos Jr. na makamit ang pagkakaroon ng sapat na supply ng bigas upang labanan ang gutom at kahirapan sa Pilipinas.
Inilatag ni Marcos ang plano ng gobyerno na pataasin ang produksyon sa agrikultura, kabilang ang pagpapalawak ng mga lupang sakahan at pagpapalakas ng mekanisasyon.
Samantala, nagbigay ng paunang tulong ang pamahalaan para sa mga kababayan na nangangailangan.
Inilunsad din ng administrasyon ang mga programa sa mekanisasyon, suporta sa kabuhayan, at libreng pagsasanay upang mabigyan ng pagkakataon ang mga Pilipino na magkaroon ng trabaho.
Layon din na maiwasan na umasa sa tulong ng gobyerno sa pamamagitan ng ayuda. Kasabay nito, pinuri ng pangulo ang kagustuhan ng mga kababayan na maghanap buhay kaysa maghintay ng ayuda ng pamahalaan.
Naniniwala ang pangulo na mahalaga ang sapat at abot-kayang pagkain upang malunasan ang kagutuman at kahirapan ng bansa.”Sapat at murang pagkain pa rin ang siyang tanging magpapalaya sa atin mula sa gutom,” ani Marcos.
