Malugod na inanunsyo ng Pag-IBIG Fund ang paglago ng Pag-IBIG Regular Savings at Modified Pag-Ibig II (MP2) savings ng ahensya.
Ito ang naging highlight ng Pag-IBIG Fund Chairman’s Report for 2022 na dinaluhan ng agency members, partners at stakeholders sa SMX Convention Center, Martes (March 28).
Ayon sa ulat ni Secretary Jose Rizalino Acuzar ng Department of Human Settlements and Urban Development (DHSUD) tumaas sa 6.53% per annum ang Pag-IBIG Regular savings para sa taong 2022 kumpara sa 5.50% noong 2021.
Samantala ang MP2 savings ay tumaas ng 7.03% para sa year 2022 kumpara 6% noong 2021.
Ito ang pinakamataas na dividend rates na naitala ng Pag-IBIG Fund mula nang tumama ang pandemya.
Pinuri ni Pangulong Ferdinand Marcos Jr. ang Pag-IBIG Fund at sinabi na malayo na ang narating at malaki na ang naging transpormasyon ng nasabing tanggapan.
“It makes me proud that your agency’s stewardship of our national savings program has successfully provided affordable shelter financing for our people. Let me thank all of you, the members who are the owners of Pag-IBIG Fund, including concerned housing developers, partners, and other key stakeholders who have been instrumental in fulfilling the Pag-IBIG Fund’s mandate of serving the Filipino workforce,” ani Marcos.
Nitong 2022, naitala ang record high na Php44.50 billion net income, 28% na mas mataas kumpara noong 2021.
Nasa Php79.9 billion naman ang total membership savings, at Php127.4 billion na loan payments.
Dahil dito, itinuturing ng PAG-IBIG Fund na best performing year ng tanggapan ang 2022.
Kaugnay nito, umapela si Pangulong Marcos sa tanggapan at sa mga kabalikat nito na ipagpatuloy ang momentum o estado ng mga pigurang ito, kasabay ng pagpapanatili sa tiwala ng publiko sa PAG-IBIG Fund.
“Thus, I call upon the Fund to further build on this growth and momentum to continue to improve the lot of the Filipino workforce, and also to significantly assist in addressing our housing backlog as an industry leader in home mortgage financing,” ayon sa talumpati ni Marcos.
Ginamit rin ng pangulo ang pagkakataon upang manawagan sa PAG-IBIG Fund na paigtingin ang pakikipagtulungan sa Housing Department, para sa pagtugon sa housing backlog ng bansa.
“On this note, I challenge the Fund to work closely with the Department of Human Settlements and Urban Development, saddled as it is by budgetary constraints, in order to find effective strategies to ease our housing situation, by leveraging on your industry experience, expertise and acumen,” ani Pangulong Marcos.
