Nakitaan ng hinihinalang labi ng mga biktima ang na-rekober na parte ng isang submersible na sumabog habang papunta sa Titanic wreck sa North Atlantic Ocean.
Sakay ng submersible na namatay ay sina British explorer Hamish Harding, French submarine expert Paul-Henri Nargeolet, Pakistani-British tycoon Shahzada Dawood at anak nito na si Suleman, at si Stockton Rush, CEO ng operator ng nasabing submersible na OceanGate Expeditions.
“United States medical professionals will conduct a formal analysis of presumed human remains that have been carefully recovered,” ayon sa United States Coast Guard.
Kamakailan ay inilipat na ang mga gutay-gutay na parte ng submersible sa eastern Canada. Mula doon ay dadalhin ito sa US para pag-aralan pa at matukoy ang dahilan ng pasabog.”There is still a substantial amount of work to be done to understand the factors that led to the catastrophic loss of the Titan and help ensure a similar tragedy does not occur again,” ayon sa namumuno ng US probe, Captain Jason Neubauer.
