Gaya ng inaasahan patok si Vice-President Sara Duterte sa lumabas na survey para sa 2028 Presidential Elections.
Sa latest survey na ginawa ng advertising and marketing research company Tangere, kumopo si Duterte ng 38% habang pangalawa si Senator Raffy Tulfo na may 30%.
Dikit-dikit naman sa 3rd hanggang 5th places sina former Manila Mayor Isko Moreno (9%), senators Grace Poe (8%) at Imee Marcos (8%).
Ayon sa Tangere, malaking bagay ang malaking suporta na nakuha ni Duterte sa Mindanao region.
“This is driven by respondents from Mindanao (3 out of 4 prefer VP Sara as President), Visayas, Northern Luzon, and Central Luzon,” ayon sa statement ng Tangere. Ginawa ang survey noong May 22-24.
