Sa mga mahihilig mag-Tiktok at Facebook, doble ingat. Ito na kasi ngayon ang trend at ginagamit ng mga sindikatong nasa likod ng cryptocurrency scam at human trafficking.
Ibinunyag ito ng Department of Foreign Affairs (DFA) at Bureau of Immigration (BI) matapos mapauwi ang walong Pilipino na biktima ng mga sindikato. Ni-recruit, nakaranas magtrabaho sa online scamming at catfishing syndicate sa Cambodia.
Sa salaysay ng mga biktima, sa social media advertisement sa Tiktok, Facebook at Telegram ginagamit ng mga sindikato ang pagrere-recruit sa pangako bibigyan sila ng malaking sahod bilang call center agent.
Ang pangako raw sa kanila, sweldong $1000 kada buwan. Subalit pagdating sa Cambodia, ang kanilang magiging trabaho, scamming pala.
Maliban dito, pinilit din daw silang magtrabaho ng 18 oras ng walang pahinga, at ang ilan, pinaparusahan at kinukuryente sa oras kapag hindi nila nakumbinsi ng target nilang biktima.
Pinag-iingat din ang publiko na maging mapagmatyag at tiyaking dumadaan sa legal na proseso ang papasukin trabaho sa ibayong-dagat.“Human trafficking in Southeast Asia is a serious regional issue, and the DFA is exerting efforts to ensure the safety of Filipinos wherever they are. We will continue to engage with the Asean (Association of Southeast Asian Nations) member-states and international partners to clamp down on this abhorrent activity,” ani Foreign Undersecretary Eduardo de Vega.
