Kinilala at pinarangalan ng Bureau of Customs (BOC) ang mga nangunguna kumpanya at importer sa pagdedeklara at pagbabayad ng buwis.
Base sa Post Clearance Audit Group (PCAG) ng ahensya, top importer noong nakaraang taon ang Mondelez Philippines, Inc., Japan Tobacco International, Inc., at Glaxosmithkline Philippines, Inc.
Habang top ten taxpayer naman ang Unilever Philippines, Inc., Chevron Philippines Inc., Nestle Philippines Inc., Novartis Health Care Phils Inc., Pilipinas Shell Petroleum Corporation, Fast Retailing Philippines Inc., and Toyota Motor Philippines.
Kabilang din sa mga pangunahing taxpayer ang Nestle Philippines Inc. and Wyeth Philippines Inc., JT International (Philippines) Inc., Mondelez Philippines Inc., and Henkel Philippines Applied Technologies Inc / Henkel Philippines, Inc. na palagi daw boluntaryong nagbibigay ng mga tamang datus sa BOC.
Ayon kay Customs Commissioner Bienvenido Rubio, malaki ang naiaambag ng mga nasabing stakeholder sa revenue generation effort ng pamahalaan. Kung kaya patuloy daw makikipag-ugnayan ang ahensya sa mga nasabing kumpanya.
“We will ensure to heed the feedback of our stakeholders and consider their evaluations to improve Customs services and procedures for efficient trade facilitation,” dagdag ni Rubio.
