Maituturing na isa sa pinakamalaking upset sa mundo ng football ang pagsipa ng Japan sa koponan ng four-time champion na Germany sa pagpapatuloy ng 2022 FIFA World Cup.
Ang Federation Internationale de Football Association (FIFA) ang pinaka-prestihiyosong torneyo ng football sa buong mundo na minsan nang pinagharian ng Germany.
Tinalo ng Japan ang Germany sa iskor na 2-1 sa opening match ng 2022 FIFA World Cup na ginanap sa Khalifa International Stadium kahapon, Nob. 23.
Sa unang sipaan, unang nakaungos ang Germany matapos matawagan ng foul ang Japanese goalkeeper na si Shuichi Gonda at umiskor via penalty si Ilkay Gundogan sa ika-33 minuto ng first half.
Agad bumawi ang Japan sa second half at pinaigting ang kanilang depensa at opensa.
Halos 15 minuto ang natitira bago matapos ang laro, nagawang umiskor ng substitute player na si Ritsu Doan ang score sa 1-1.
Makalipas ang walong minuto, muling umiskor ng goal ang Japan sa tulong din ng substitute na si Takuma Asano upang talunin ang Germany at isarado ang laro sa final score na 2-1.
