HIGIT P101-M HALAGA NG SMUGGLED AGRI PRODUCTS, NASABAT NG BOC

March 7, 2023

Tags

National News

Mahigit P101 milyong halaga ng mga kontrabandong produktong pang agrikultura mula Tsina ang kinumpiska ng Bureau of Customs (BOC).

Sa isang pahayag noong March 5, sinabi ng BOC na labing pitong shipping container na naglalaman ng misdeclared red and white onions, mushroom balls at asukal ang dumating sa Manila International Container Port (MICP) mula December 29, 2022 hanggang Feb. 12 ngayon taon.

Ang mga ito ay sumailalim sa serye ng physical examinations na isinagawa ng BOC noong nakaraang linggo.

Ayon sa ahensya, ang mga kontrabandong produkto ay naka-consigned sa RYY Consumer Goods Trading, MFBY Consumer Goods Trading at M.S. Fab Builder.

“While we are not done yet examining all these containers of smuggled agricultural products, we are working on getting to the bottom of these illegal operations,” wika ni BOC Deputy Commissioner for intelligence service Juvymax Uy.

Naglabas ng mga Alert Orders si Director Verne Enciso ng Customs Intelligence and Investigation Service (CIIS) matapos nitong makatanggap ng “derogatory information” ukol sa nilalaman ng mga nasabing containers.

“Originally, these shipments were declared to have pizza dough, shabu-shabu balls like fish balls and some pneumatic tools. But, so far, of the 22 containers we have opened this week, we already found agricultural products, such as sugar and onions,” ani Enciso.

Matapos matunugan ang mga kontrabando, hinarang ng Customs Intelligence Group ang mga containers upang simulan physical examination.

“It’s critical for us to act swiftly on these matters because if these containers are carrying agricultural products, then we have to coordinate with other government agencies for the proper documentation,” Enciso said.

“We are not just on the lookout for contraband items such as illegal drugs. We are also protecting our markets from the economic impact of smuggled goods,” he added.

Ayon sa BOC, maglalabas sila ng warrant of seizure at detention para sa mga smuggled agricultural products dahil sa paglabag sa Republic Act 10863 o ang Customs Modernization and Tariff Act.