‘Sky is the limit’ ang nakikitang future para sa 9-taong gulang na bata mula sa Bicol na nakasungkit ng medalyang ginto sa katatapos na 6th Eastern Asia Youth Chess Championship sa Bangkok, Thailand.
Ang Albay Chess Prodigy na si Bince Rafael Operiano, 9-years-old, mula sa bayan ng Busac ay pinatumba ang lahat ng mga nakalaban sa international chess tournament.
Ayon sa ulat ng CNN Philippines, si Operiano ang kinatawan ng Pilipinas sa naturang international competition na ginanap noong Nobyembre 4 hanggang 12.
Nadiskubre ang espesyal na talento sa chess ni Operiano noong nasa anim na taong gulang pa lang ito.
Sa edad na anim, nakapag-uwi na rin ito ng kampeonato sa National Age Chess Group Kiddie category na ginanap sa Albay Astrodome.
Dahil hirap sa buhay, nanghingi lamang ng tulong ang pamilya ng paslit sa mga sponsors at mga kaibigan upang makalaro ito sa mga international competitions.
