Nagbabantay ngayon ang Phlippine Institute of Volcanology and Seismology (Phivolcs) sa sinasabing isang lava dome na posibleng namumuo sa Mayon Volcano.
Ito’y sa kabila ng pagtiyak ng Phivolcs na wala pa silang nakikitang senyales na itaas na sa Alert Level 4 ang Mayon.
Ayon kay Phivolcs OIC Director Teresito Bacolcol, posible lamang ang Alert Level 4 kung makikita nila ang pagbaba ng sulfur dioxide at pagdami ng mga lindol o seismic activity.
“So if there is a sudden decrease of sulfure dioxide, ibig sabihin natrap yung gas doon sa loob ng lava dome and if there’s a sudden release of sulfur dioxide then it could result to explosive eruption,” ani Bacolcol.
Posible din na magkaroon ng mahaba ngunit mas mahinang pagsabog na magdudulot ng mas kaunting damage sa buhay at ari-arian.
“Yung effusive eruption involves slow release of magma onto the edifice of the volcano. Usually yung lava coming from an effusive eruption medyo low in dust. The lava flows are typically slow-moving and can be observed as rivers of molten rock,” dagdag ni Bacolcol.
