November 14, 2018, nabulabog ang mga residente ng Barangay Banga sa Meycauayan, Bulacan ng may matagpuang kahina-hinalang asul na storage box sa gilid ng kalsada.
Ayon sa mga residente, masisilip sa kahon ang nakausling paa ng tao.
“Madaling araw may tumawag sa amin dito na isang concerned citizen, mayroon daw isang box na nakalagay doon sa isang kanto. So, binuksan, nakita nila paa ng isang tao” paliwanag ng imbestigador ng kaso.
Agad rumesponde ang Meycauayan Police Station at sinilip ang laman ng storage box, tumambad sa kanila ang bangkay ng isang babaeng walang saplot.
May saksak ito sa dibdib at kalunos-lunos ang itsura dahil tila tinupi ang katawan para lang magkasya sa storage box.
Kinilala ang bangkay na si Andrea De Guzman, 20 anyos.
Nagkaroon ng pagkakataon na makausap ng BITAG Crime Desk ang tumatayong ina ni Andrea na si Grace.
Ayon kay Grace, natawagan at nakausap pa niya sa telepeno si Andrea, gabi bago matagpuan ang kanyang bangkay.
Ano ang nangyari kay Andrea at sino ang nasa likod ng brutal niyang pagkamatay?
Balikan at panoorin ang buong imbestigasyon ng BITAG Crime Desk sa kasong ito.
