Buhay na buhay muli ang tradisyunal na “Dulot” at “Sabit” sa kasal nina Syjay Dalwampo at Bel Banaag mula Batangas. Imbes na makukulay at magagarbong mga souvenirs, punong-puno ng gulay, prutas, ulam, at mga kakanin ang kanilang giveaways sa mga bisita.
Masayang ibinahagi nila na talagang namangha ang lahat sa kanilang sabit at nakangiti habang tulong-tulong sa paghahanda.
“Ginawa po namin ito upang ma-experience at ipagpatuloy ang tradisyon ng Batangas na tinatawag na ‘sabit’” saad ng mag-asawa sa isang panayam.
Ang “Dulot” o “Sabit” ay tradisyon tuwing may kasalan sa Batangas. Ang mga ikakasal ay nagbibigay ng “goods” sa kanilang mga mga ninong at ninang kapalit ng mga “monetary gift”.
