Mas piniling mag bagong buhay ngayong bagong taon ang apat na miyembro ng Communist Party of the Philippines – New People’s Army (CPP-NPA) matapos silang sumuko nitong Enero 5, 2023 sa Las Nieves, Agusan del Norte.
Ayon sa Philippine Army, kinilala ang mga nagbalik loob sa gobyerno, na sina alyas “Dindin”, Head Liaison Staff and Taxation; at mga ka-miyembro niya na sina alyas “Magulang”, alyas “Nicky”, at alyas “Jamby” na nakatalaga sa Platoon 2, Sub Regional Sentro De Gravidad Sagay (SRSDG SAGAY) sa ilalim ng Sub Regional Committee (SRC3), North Central Mindanao Regional Committee (NCMRC).
